Urtero urtero ondo “tuneatuak” joaten dira Euskal Herritik Saharara laguntza eramaten duten kamioiak. Horretan aritzen dira, kamioiak margotzen, besteak beste, Jokin Oregi “Sortwo” eta Mikel Larrañaga “Remak”, artista plastikoak, biak Bergarakoak, eta munduko hainbat tokitan mural handiak margotutakoak; azken urteotan eurek tuneatu dituzte, beste “grafitero” batzuekin batera Sahararaino Euskal Herriko laguntza eramaten duten kamioi horiek. Aurten Durangotik abiatu dira maiatzaren 3an. Alacantera, 800 bat kilometro, handik itsasontzian Aljeriako Oran hiriko portura, 300 kilometro, eta Orandik Tindufeko kanpamenduetara, 1.460 kilometro. Honezkero saharar errefuxiatuen kanpamentuetan egongo dira kamioiak eta laguntza. 2003 eta 2004an Hiruko garraiolariek eraman zituzten kamioiak. Hori guztia kontatzen dugu Garraiolariok aldizkariaren 134. zenbakian. Gainera, iaz, 2024an 64 langile hil zirela salatzeko sindikatuek Iruñan eta Donostian egindako protestaldiak eta garraio sektoreko beste hainbat berri ere bai. Beti bezala, abokatuaren txokoa, aseguruen prezioak, denbora-pasak eta ohiko beste atal eta informazioak ere jasotzen ditugu ale berrian.
Aurreko zenbakiak