Garraiolariok aldizkariaren 140 zenbakiak apirilaren 28an, Laneko Segurtasun eta Osasunaren Nazioarteko Egunean, sindikatuek Donostian egindako salaketaren irudi ikusgarria dauka azalean. Ekintzaren bidez LAB, ESK, STEILAS, EHNE-Etxalde eta Hiru sindikatuek salatu zuten lan baldintza kaxkarrak dituztela langile askok eta Euskal Herrian 84 langile hil zirela prekaritate horren ondorioz, horietatik 22 garraiolariak. Aipatutako sindikatuek 84 gorpu jarri zituzten zaku zurietan sartuta Eusko Jaurlaritzak Alderdi Ederren duen egoitzaren aurrean, horrekin batera, absentismoari buruz zabaltzen ari diren gezurrak ere kritikatzeko.
Garraiolariok aldizkariaren azken zenbakiak beste gai batzuetan ere sakontzen du, hala nola, garraiolariaren gastuak nabarmen aldatzen direnean, garraioaren tarifak berrikusteko formula, edo Bideko Aterpe kooperatibak izan duen zabalkunde nabarmena sortu zenetik 30 urte bete direnean, beste albiste batzuekin eta ohiko atalekin batera: Eli Salvatierra abokatuaren iritzia, denbora-pasak, edota 2026rako aseguruen prezioak.
Aurreko zenbakiak
