Aseguruak

Zer da Babesa?

Babesa Hiru Sindikatuko garraiolariek sortutako autogestio tresna bat da. Borondatezko Gizarte Aurreikuspen Erakunde (BGAE) baten forma du. BGAEa irabazi asmorik gabeko elkarte pribatu bat da, borondatezko izaera soziala duena eta aurresikuspen sozial osagarria duena helburutzat.

Funtzionamenduaren oinarria elkartasuna da, izan ere, arriskuak partekatuz, garraiolari bakoitzak ordaindu beharreko kostua txikiagoa baita.

Zergatik da Babesa beharrezkoa?

Garraiolariari onura ekonomikoak besterik ez dakarzkio, aseguruaren primen kalkulua ibilgailuaren balio eguneratuaren arabera egiten baita, era honetara, urteetan zehar, primaren balioa jaisten joango da, azkenean balio erresidual batean geldituko delarik. Babesak ibilgailuaren konponketa ahalik eta denbora gutxienean egiteko aukera ematen du,  garraiolariak ahalik eta galera gutxien izan ditzan. Garraiolariak Babesarekin duen erlazioa amaitzean, primetan ordaindutako zenbatekoaren zati bat berreskuratuko  du (ordaindutakaren %60raino iritsi daitekeelarik), ezbehar kopurua kontuan izanik.

Zer eskaintzen du Babesak?

Onura anitz. Ardatz nagusia garraiolariei ahalik eta zerbitzu hoberena ematea da. Babesak kalitatezko zerbitzua eskaintzen du ibilgailuek edozein ezbehar izanez gero, garrantzitsuena garraiolariak bere lan tresna, kamioia, ahalik eta azkarren berriz esku artean izatea baita. Gakoa hauxe da: izapideen kudeaketa eraginkorra eta ibilgailuaren konponketa azkarra: zenbatetsi, konpondu eta lanera.

Abantailak

1.  Arrisku orotarako asegurua eskaintzen dugu prezio ezin hobean. Basesak ibilgailuaren prezio eguneratuaren bitartez kalkulatzen du primaren balioa, ez fakturan agertzen den zenbatekoa erabiliz, era honetara prezio merkeagoak eskaintzeko aukera duelarik. Gainera, ibilgailuak dituen urteak edukita ere, garraiolariari arrisku orotarako asegurua edukitzea komeni zaio, izan ere, Babesak inoiz baliorik galtzen ez duen ibilgailuaren balore erresidual bat ezartzen baitu.
2. Errentagarritasunez beteriko arrisku orotarako asegurua eskaintzen du Babesak, ibilgailuak dituen urteak kontuan hartu gabe, izan ere, prima  ezarritako balio horren arabera kalkulatzen baita.
3. Behar ezberdinetarako finantziazio plana dauka Babesak. Primak eskura, hiru, sei edo hamabi hilabetetara ordaindu daitezke.
4. Berehala erantzuten du Babesak edozein ezbeharren aurrean. Gure perituak 24 ordu baino gutxiagotan jarduten du. Gainera, bazkideak ibilgailua non konpondu nahi duen erabaki dezake.
5. Babesako kide batek erretiroa, iraupen luzeko gaixotasuna, denbora luzeko jarduera eza, ezgaitasuna, jarduneko heriotza etab. dela eta elkartea utziz gero, banan-banan kalkultazen den prestazio bat jasoko du, izan dituen ezbehar kopuruen arabera, primetan ordaindutako %60ra berreskuratzeko aukera izango duelarik.

Kuota

900 € bazkide egiterakoan (elkartea uzterakoan errekuperatu daitezkeenak): hiru urtetaraino finantzatu daiteke.

28 €/urteko administrazio eta peritatze  kostuetarako. Erabilitako ibilgailuei peritatzea egingo zaie, zein egoeratan dauden jakin ahal izateko (argazkiak egingo dira). Ibilgailu berrien kasuan, erosketa faktura nahikoa izango da.

Urteko prima, aseguratu beharreko ibilgailu edo plataformaren arabera.

Bete beharreko paperak:

• Altarako fitxa
• Ordainketa fitxa
• Poliza
• Hartzailearekiko konpromezua
• Beharrezko dokumentuak
• Ikuskaritza teknikoa
• Garraio txartela
• Zirkulaio baimena
• Ibilgailuaren faktura
• Aparteko gehigarrien faktura
• Derrigorrezko asegurua
• Indarrean dagoen derrigorrezko aseguruaren ordainagiria

Kontaktua

babesa@hiru.org

Tel.: 609 741 919

945 361 627

Faxa: 945 361 643

Los Llanos Industrialdea / A kalea, 13. Pab. / 01230 Langraiz Oka