Bizkaiko Foru Aldundiaren jarrera harrigarria da; izan ere, esku batekin “garraioaren sektoreari laguntzeko” laguntzak onartzen ditu, eta bestearekin bidesariak jartzen dizkie bigarren mailako errepideetan dagoeneko horren zigortuta dagoen garraiolariari eta bere kamioiari. Dena den, aurrekontua oso motza dute laguntzek eta berehala amaituko dira. Horregatik komeni zaie Bizkaiko garraiolariei Foru Aldundiaren web orrialdean sartu eta baldintzak kontsultatzea; https://www.bizkaia.eus/es/tema-detalle/-/edukia/dt/12421 web-orrian Komeni zaie dirulaguntza lehenbailehen eskatzea. Informazio gehiago eta aholkularitza nahi dutenek sindikatuaren bulegoetara jo beharko dute. Besteak beste, gurpilak ordezteko dirulaguntzak emango dira, eta baita ibilgailuaren segurtasun-elementuak hobetzeko eta informatika txertatzeko ere. ibilgailuak modernizatzeko laguntza horiek 3,5 tona baino gehiagoko kamioietara mugatzen dira.
Bizkaiko garraiolariek kritikatu dute laguntzak diskriminatzaileak eta eskasak direla, batez ere propaganda egiteko eta sektoreko flota handiak pozik uzteko balio dute. Diskriminatzaileak dira, garraio arina egiten duten profesionalak kanpoan uzten dituztelako. Badirudi Foru Aldundiko arduradunentzat arinean dabiltzanak ez dira garraiolariak. Azpimarratzekoa da, bestalde, Ekonomi Sustapen Sailak dirulaguntzetarako aurreikusitako zenbatekoa ez zaiola Bizkaiko garraiolarien %10ari ere iritsiko. Milioi bat euro bideratu dituzte “sektorearen segurtasuna, lehiakortasuna, digitalizazioa eta jasangarritasuna hobetzeko”, baina ez da askorentzat iritsiko, kontuan hartuta eskatzaile bakoitzak gehienez 20.000 euro jaso ditzakeela, 4.000 euro ibilgailu bakoitzeko. “Sektoreak Bizkaian dituen 5.000 garraiolarietatik garraiolari gutxi batzuk jasoko dute laguntza”. Ibilgailu bakarreko garraiolari autonomoak 4.000 jasoko ditu gehienez.
Hiruk behin baino gehiagotan salatu du kamioi bidezko zuzeneko laguntzak, Renove planak, txatar bihurtzea edo beste mota batekoak flota handiei zuzenduta daudela. Ia beti garraiolari arina kanpoan uzten dute. Flota handi bakoitzak baimendutako gehienekoa jasotzen badu, 20.000 euro guztira, gehienez 50 lagunek jasoko dute aurrekontu osoa milioi bat eurokoa baita.
Pneumatikoak aldatu eta ibilgailuen segurtasuna eta prestazioak modernizatu edo hobetu nahi dituzten garraiolariek apirilaren 16tik aurrera eska dezakete laguntza. Diruz lagunduko dira, besteak beste, gurpilak ordeztea, ibilgailuen aerodinamika hobetzea, kabinan ofimatika-teknologia berriak sartzea, segurtasun-osagai berriak eta modernoak, eta gidatzearen hainbat alderdi detektatzeko eta egiaztatzeko sistemak.
